Senthamizh Thenmozhiyal Tamil Song Lyrics in Tamil

“பைங்கனி இதழில் பழரசம் தருவாள்” என்ற வரி முத்தத்தை உருவகப்படுத்துகின்றது என்று பலரும் அறிவர். “இதழ்” யாருடையது? நாயகன் நாயகியின் இதழைப் பைங்கனி என்று புகழ்வதாக எழுதியிருந்தால் “பைங்கனி இதழால்” என்றல்லவா வரும். எனவே நாயகன் தன் இதழையே குறிப்பிடுகின்றான். இதழ் எலோருக்குமே மென்மையானது. பைங்கனி போன்ற அவ்விதழைத் தொடும் நாயகியின் இதழோ பழரசம் எனும்படி மேலும் மென்மையானது என்று உருவகப்படுத்துகின்றார் கவிஞர். எனவே பைங்கனி மீது விழும் பழரசமாக முத்தம் உருவகப்படுத்தபட்டு, அக்காட்சியை இலைமறை காயாகக் கூறுவது கவிஞரின் சிறப்பு.